Þessi mynd frá Baldavini Jóhannsyni frá Sigló segir meira en orð fá lýst fyrir okkur gömlu þorparana, minningin fer á flug að sjá þessa mynd, þarna liggur Aldan SK 11 á hliðinna vinstra megin á myndinni en Ölduna átti Trausti Fjólmundsson frá Berglandi, trillan á milli bátana er Hafsísin SK 47 sem bræurnir Bragi og Hermann í Háaskála áttu, báturinn við pakkhúsin er svo Hreggviður SK 51 sem Sveinn Jóhanns breitti, þetta er gamall nótabátur en Sveinn byggði bæði á hann hvalbak og stýrishús, það var mikið gaman fyrir okkur guttana að fylgjast með því þegar Sveinn var að setja bátinn á land á hausti, bátnum var siglt upp í ósinn og oftar en ekki kom Óttar í Enni á jarðýtu og dróg bátinn á land. Stóru bátarnir við norður garðinn eru Frosti II, Haraldur Ólafsson og Sæberg.

Skráð 23 Jun 2025, 1:07 p.m.